Bir təlim iştirakçısı olaraq "Təhsildə İnnovativ Texnologiyalar" Əlavə Təhsil Mərkəzinin təhsil sahəsində geniş təcrübəyə malik olduğunun şahidi oldum. Təlimçilərin peşəkarlıq səviyyəsi şirkət haqqında tam dolğun təəssürat yaradır. İnanıram ki, ITE  Azərbaycan təhsilinə dəstək olaraq qabaqcıl dünya təcrübəsinin milli təhsilimizə inteqrasiyasında və tətbiqində mühüm rol oynayacaqdır. Hal-hazırda iştirakçısı olduğum Azərbaycan dili fənninin məzmunu üzrə ixtisasartırma təliminin keyfiyyəti, təlimçinin təlim boyu iştirakçı müəllimlərə hörmətlə yanaşma tərzi məni tam qane etdi. Təlim müddətində həm ixtisasıma, həm də metodik biliklərimə dair xeyli əlavə məlumat əldə etdim. Təlimdəki mövzuların aydın çatdırılması, daha çox maraq kəsb edən mövzuların ətraflı izah olunması təkcə məni yox, bütün iştirakçı-müəllim kollektivini razı saldı. Kürdəmir r-n, Karrar qəsəbə tam orta məktəbin Azərbaycan dili və ədəbiyyatı müəllimi.

“Təhsildə İnnovativ Texnologiyalar” əlavə təhsil mərkəzi özünün fəaliyyət istiqamətləri üzrə ixtisaslaşmış təhsil xidmətləri göstərən, müasir təhsilin bütün vacib tələblərini qarşılayacaq, ona fayda verə biləcək potensiala sahib olan, özünün yüksək dünyəvi dəyərlərə söykənən, gələcək məqsədlərə doğru istiqamətlənmiş prinsipləri olan bir şirkətdir. Öz qənaətimlə şirkətin iş prinsipini “peşəkar işçi-səmərəli iş-davamlı tərəfdaş” prinsipi kimi ifadə edərdim. ”ITE”-nin müasir insani münasibətlər, yüksək etik dəyərlər üzərində qurulan innovativ idarəetmə fəlsəfəsi, hər bir əməkdaşı üçün yaratdığı müsbət iş mühiti məhsuldar iş keyfiyyətini saxlamaqda bizim üçün əsl stimuldur. Qazandığı dəyərləri ,dəyişməz prinsipləri,doğru seçilmiş iş fəlsəfəsi nəticədə “ITE” –“Uğur”-“Nailiyyət” ifadələrini biri-birinə daha yaxın etmişdir. Şirkətimizə hər zaman yüksələn xətt üzrə irəliləməkdə davam etməyi arzu edirəm.

Mən, ITE Əlavə Təhsil Mərkəzi ilə 5 aydır ki, əməkdaşıq edirəm. ITE şirkəti  həm müəllimlər üçün, həm də təlimçilər üçün müxtəlif mövzularda təlimlər təşkil edir. Bu təlimlərdə həm iştirakçı, həm də təlimçi kimi iştirak etmişəm. Təlimlər, peşəkar təlimçilər tərəfindən həyata keçirilir. İştirakçıların təlim materiallarını mənimsəmələri üçün hər cür şərait ITE şirkəti tərəfindən təmin olunur.  Çox xoşdur ki, mən də hal-hazırda ITE şirkəti ilə bir təlimçi kimi əməkdaşlıq edirəm.

Müasir təhsilin prinsipləri hər bir təhsilverənə öz üzərində daim işləməyi, ömrü boyu öyrənməyi tələb edir. Çünki müasir elmi tərəqqinin nailiyyətlərini və həyata bəxş etdiyi yenilikləri öz işində tətbiq etməkdən ötrü hər bir müəllim çalışmalıdır ki, öz peşəsində mükəmməl bilik və bacarıqlara sahib olsun. Son dövrdə dövlətimiz tərəfindən təhsilin inkişafına verilən dəstək Azərbaycan məktəbinin və müəlliminin qarşısında yeni vəzifələr qoyur. Biz bu məqsədlə “Təhsildə İnnovativ Texnologiyalar” Əlavə Təhsil Mərkəzinin Azərbaycan dili fənninin məzmunu üzrə həyata keçirdiyi 20 günü əhatə edən 120 akademik saatlıq ixtisasartırma təlimində iştirak edirik. Yüksək peşəkarlıqla təşkil olunan və davam edən təlim boyunca fənnimizin məzmunu, tədrisi,eyni zamanda müasir təlim texnologiyaları ilə əlaqəli xeyli əlavə biliklər qazandıq. Maraqlı,məzmunlu və əhatəli təşkil olunan, tam mənası ilə bizim bütün tələblərimizi ödəyən təlimin təşkili üçün ITE Əlavə Təhsil Mərkəzinə, təşkilatın təlimçisi Rauf Əsədova bütün təlim iştirakçıları adından öz dərin təşəkkürümüzü bildiririk. Kürdəmir r-n,Karrar kənd tam orta məktəbin Azərbaycan dili və ədəbiyyatı müəllimi