Müəllimlərin rəqəmsal alətlərdən istifadə bacarıqlarını artırmaq məqsədilə Təhsildə İnnovativ Texnologiyalar (ITE) Əlavə Təhsil Mərkəzi Azərbaycan Respublikası Elm və Təhsil Nazirliyi ilə əməkdaşlıq çərçivəsində Azərbaycan Dövlət Pedaqoji Universiteti üçün “Təbiət fənlərinin hibrid öyrənmə mühitində tədrisi metodikası və onlayn ünsiyyət” təlim proqramına start verib.

Təlim proqramının əsas məqsədi müəllimlərin kimya, fizika və biologiya dərslərində İKT əsaslı metodlardan istifadə bacarıqlarını inkişaf etdirməkdir. Təlim zamanı virtual laboratoriya və mobil tətbiqlər kimi müasir resurslardan istifadə bacarıqları öyrədiləcək.

Proqramın sonunda müəllimlər ITE-nin “ICDL Authorized Testing Centers” test mərkəzində beynəlxalq sertifikat imtahanında iştirak edəcəklər. Uğurla keçən müəllimlərə beynəlxalq sertifikatlar təqdim olunacaq.

https://www.facebook.com/share/p/14NZws1JnF/