Elm və Təhsil Nazirliyi ilə birgə həyata keçirdiyimiz #CodeForFuture layihəsi çərçivəsində tələbələrimiz təhsil aldıqları müddətdə beynəlxalq imtahanlara daxil olaraq yüksək nəticələr göstəriblər.

Bakı Dövlət Universiteti, Azərbaycan Texniki Universiteti, Azərbaycan Memarlıq və İnşaat Universiteti və Sumqayıt Dövlət Universitetinin 2024-2025 Payız Semestri ərzində hazırda tədrisləri davam edən tələbələrin 90%-dən çoxu RedHat və IT Specialist HTML, IT Specialist Networking beynəlxalq sertifikatlarının sahibi olublar.

Bu nailiyyət tələbələrimizin öz biliklərini praktiki şəkildə tətbiq edərək, peşəkar bacarıqlarını təsdiqləməkdə nə qədər bacarıqlı olduqlarını göstərir. İmtahanlar Təhsildə İnnovativ Texnologiyalar (ITE) Əlavə Təhsil Mərkəzinin dəstəyi ilə həyata keçirilib.

Sertifikat qazanan bütün tələbələrimizi təbrik edirik! Onlar gələcəyin parlaq mütəxəssisləridir!