Sabunçu rayonunda Elm və Təhsil Nazirliyi ilə əməkdaşlıq çərçivəsində keçirilən "Fənnlər üzrə elektron tədris resurslarının hazırlanması" üzrə təlimlər uğurla yekunlaşıb.

Qeyd edək ki, avqust ayından start götürən müxtəlif rayonları əhatən edən layihə Təhsildə İnnovativ Texnologiyalar Əlavə Təhsil Mərkəzi tərəfindən həyata keçirilir. Sabunçu rayonunda təşkil olunan təlimlərə ümumi 19 qrup olmaqla 300-ə yaxın pedaqoji heyəti cəlb olunub.

Fənlər üzrə elektron tədris resurslarının hazırlanması üzrə təlimdə müdavimlərdə mətn redaktorlarından, nəşriyyat sistemlərindən və eyni tipli onlayn platformalardan istifadə etməklə elektron məzmun hazırlamaq bacarıqları formalaşdırılması, onları Artırılmış və Virtual Reallıq anlayışı ilə tanış etmək və öz Artırılmış Reallıq məzmununu hazırlamaları üçün müvafiq bacarıqlara yiyələndirmək hədəflənib.